नौ वर्षीया र चार वर्षीया बालिकालाई बलात्कार गरेको आरोपमा साँखेजुङ् गाविस-४ का प्रजापति भनिने ५५ वर्षीय प्रेमप्रसाद लुईंटेललाई प्रहरीले असोज ५ गते गिरफ्तार गरेको छ । पीडित बालिकाहरूलाई असोज १ गते आरोपितले बलात्कार गरेको आरोपमा पीडितका अभिभावकले असोज ४ गते प्रहरीमा उजुरी दिएका थिए । उजुरी आएपछि अनुसन्धानका लागि आरोपितलाई गिरफ्तार गरिएको जिल्ला प्रहरी कार्यालयका इन्स्पेक्टर रुद्र चुडालले बताए । पीडित बालिकाहरूको स्वास्थ्य परीक्षण असोज ४ जिल्ला अस्पतालमा गरिएको पनि इन्स्पेक्टर चूडालले जानकारी दिए ।