१७ वर्षकी एक किशोरीलाई सामूहिक बलात्कार गरेको आरोपमा दुई जना पक्राउ परेका छन् । गएको शनिबार सल्यानको  लपानीबाट रुकुमको मुसिकोट नगरपालिका–२ स्थित बसपार्कको एउटा होटलमा लगेर बलात्कार गरेको ती किशोरीले बताएकी छिन् ।  सामान्य चिनजानेको आधारमा रुकुम घुम्न जाउँ भनेर जर्वजस्ती गाडीमा राखेर लगेको र होटलमा उनीहरुले पालै पालो बलात्कार गरेको किशोरीले बताएकी छिन् । घटनामा संलग्न भएको आरोपमा सल्यान बागचौर नगरपालिका–१ बस्ने २८ वर्षका उपेन्द्र भण्डारी र २६ वर्षका कमलराज खत्री पक्राउ परेका हुन् । किशोरीको बयानका आधारमा उनीहरुलाई नियन्त्रणमा लिएको जिल्ला प्रहरी कार्यालय रुकुमले जनाएको छ । घटना असोज ८ गते भएको भए पनि ढिलो गरी जानकारीमा आएकोले दोषीलाई बुधबार मात्र पक्राउ गर्न सकेको प्रहरीले जनाएको छ । घटनाको बारेमा जिल्ला प्रहरी कार्यालय रुकुमले थप छानविन गरीरहेको जनाएको छ ।