Farmers of Gulariya-1 in Bardiya staged protest at district headquarter Gulariya demanding Bardiya district to be designated as drought hit area. The farmers said that the district has not received any rainfall since a long time, which has badly affected the paddy farming in the district. Farmers carried dry paddy at the demonstration. Farmers have taken loan from the bank for agriculture and their crops are dying, so they are seeking compensation from the government. सुख्खा क्षेत्र घोषणा गर्न माग गर्दै बर्दियाको गुलरिया नगरपालिका वार्ड न. १ का कृषकले सदरमुकाम गुलरियामा प्रदर्शन गरेका छन् । बिगत लामो समय देखि बर्दिया जिल्लामा बर्षात नभएको र धान उत्पादन नभएको भन्दै सरकार संग सुख्खा क्षेत्र घोषणा गर्नु पर्ने माग गर्दै प्रदर्शन गरेका हुन् । प्रदर्शनमा उत्रिएका कृषकहरुले सुकेको धान समेत लिएर प्रदर्शन गरेका थिए । बर्दिया जिल्लाको गुलरिया नगरपालिका वार्ड न. १ का स्थानीय कृषकले सरकारसंग पटक पटक सुख्खा क्षेत्र घोषणा गर्न माग गरेको भए पनि अहिले सम्म सरकारले आफुहरुको माग सुनुवाई नगरेको भन्दै प्रदर्शन गर्न बाध्य भएको बताएका छन् कृषकले पर्याप्त बर्षात नभएका कारण, लोडसेडिग भएका कारण र सिचाई सुविधा नभएकाले कृषकको खेति नष्ट भएको बताएका छन् । कृषकले बैंकबाट ऋण कर्जा लिएर खेति गरेको र उनीहरुको खेति सुख्दै गएकाले सरकारले उनीहरुलाई राहत दिनु पर्ने माग गरेका छन् । गुलरिया बजारमा प्रदर्शनमा उत्रिएका कृषकले बजारको विभिन्न भागको परिक्रममा समेत गरेका थिए । हात हातमा धानको बोट समेत लिएर प्रदर्शनमा उत्रिएका कृषकले सुख्खा क्षेत्रका कृषकलाई क्षतिपूर्तिको व्यवस्था हुनुपर्ने, आगामी वर्ष कृषकलाई निशुल्क मल बिउ दिइनु पर्ने र यस पटकको खेतीका लागि बैंकबाट लिइएको ऋणको ब्याज मालपोत कर मिनाह गरिनु पर्ने लगायतका मागहरु राखी जिल्ला कृषि विकास कार्यालय बर्दिया मार्फत नेपाल सरकारलाई ज्ञापनपत्र समेत बुझाएका छन् ।