बलात्कार घटनाका फरार आरोपित सोरहवा गाविस-२ का ३४ वर्षीय मानबहादुर बुढा मगरलाई प्रहरीले असोज २८ गते गिरफ्तार गरेको छ । इलाका प्रहरी कार्यालय मैनापोखरको विशेष टोलीले बुढामगरलाई घरैबाट गिरफ्तार गरेको जिल्ला प्रहरी कार्यालय बर्दियाका डीएसपी नेत्रमणी गिरीले जानकारी दिए । सोरहवा गाविस-९ स्थित मानखोलाको जङ्गलमा ०६५ वैशाख १६ गते एक महिलालाई बलात्कार गरेको घटनाको आरोपमा प्रहरीले मुद्दा दर्ता गरी कानुनी कारबाही अघि बढाएको थियो । प्रहरीका अनुसार घटनापछि आरोपित बुढामगर फरार रहेका थिए । सो मुद्दामा बर्दिया जिल्ला अदालतले आरोपितलाई दोषी ठहर गर्दै ०६६ जेठ २३ गते चार वर्ष आठ महिना चौध दिन कैद सजायको फैसला सुनाएको थियो।