विराटनगर, १६ असोज -चौध वर्षीय बालिकालाई बलात्कार गरेको आरोपमा तेह्रथुम इवाका एक युवकलाई प्रहरीले पक्राउ गरेको छ । पक्राउ परेका व्यक्ति इवा -६ तेह्रथुमका रमेश आलेमगर रहेको प्रहरीले जनाएको छ । उक्त व्यक्तिले बालिकालाई कोठामा थुनेर बलात्कार गरेको पिडित परिवारले जनाएका छन् । पिडित बालिकाकी आमाले प्रहरीलाई दिएको जाहेरीका आधारमा बलात्कार गर्ने आलेमगर पक्राउ परेका हुन् । मगरलाई थप अनुसन्धानका लागि जिल्ला प्रहरी कार्यालयतर्फा पठाइएको छ ।