(PR) इलाका वन कार्यालय पछमुरिया कैलालीमा शनिबार राति वन कर्मचारीमाथि कुटपीट भएको छ । राति करिव ११ बजेतिर ५ जना जतिको समूहमा आएको टोलीले सहायक वन अधिकृत दिलिप यादव, रेन्जर भुवन विश्वकर्मा र नारायण झालाई कुटपीट गरेको हो । हतियारसहित आएको समूहले उनीहरुलाई लट्ठीले कुटपीट गरी उनीहरुसित भएको ३ वटा मोबाइल फोन पनि लुटी लगेको जनाइएको छ । प्रहरीले आक्रमणकारीको खोजी भइरहेको जनाएको छ ।