Six political parties along with CPN UML, Nepali Congress, CPN Maoist Center, RPP, Naya Shakti Party and Federal Socialist Forum Nepal have jointly organized motorcycle rally and padlocked all Government office based in Damak demanding
to declare Damak as Sub-metropolitan city and to include the adjoining VDCs on Thursday.
झापा क्षेत्र नम्बर ७ को दमक उप-महानगरपालिका बनाउन माग गर्दै आन्दोलन सुरु भएको छ। राजनीतिक दलका कार्यकर्ता बुधबार देखि आन्दोलन कार्यक्रम घोषणा गरी सडकमा उत्रिएका छन्। यस क्रममा बिहिबार त्यस क्षेत्रका सरकारी कार्यालयमा कालो झन्डा गाड्न गएका आन्दोलन कारी र प्रहरी बीच घम्साघम्सी भयो। प्रहरीले चार आन्दोलनकारी लाइ ३ घण्टा नियन्त्रणमा लिएको थियो। माओबादी केन्द्रका गगन पुरी, शंकर बस्नेत, प्रेम बिमली र काँग्रेसका दिपेश दाहाल लाइ नियन्त्रणमा लिएको हो।
इलाका प्रसाशनमा जबर्जस्ति तालाबन्दी गर्न खोजे, इलाका प्रहरी कार्यालय दमकका डीएसपी राजन लिम्बुले भने। सुरक्षा संबेदनशीलतालाइ मध्य नजर गर्दै नियन्त्रणमा लिएको हो। लखनपुर, तोपगाछि र धारमपुरलाइ गाभेर दमक उपमहानगरपालिका बनाउनु पर्ने प्रदर्शनकारीको माग छ। आन्दोलनमा राप्रपा नेपाल बाहेक सबै राजनीतिक दलको समर्थन देखिएको थियो। यसअघि स्थानीय तह पुनर्संरचना आयोगले इलाका लाइ आधार माग्दै स्थानीय तह निर्धारण गर्ने सकिने निर्देशिका पठाएपछि विवाद बल्झिएको हो। यसै बीच कार्तिक २२ गते सिफारिस गरिएका १५ वटा स्थानीय निकाय सहित खाका लाइ नेकपा एमाले सहित को अन्य ६ साना दलले बिरोध जनाएका छन्। उनीहरुले बुधबार जिल्ला विकास समितिका योजना अनुगमन तथा प्रशासकीय अधिकृत दिपक दाहाललाइ ज्ञापनपत्र बुझाउदै पुनविचार गर्न आग्रह गरे। उक्त निर्णय समिति दलको आडमा गरिएको एमालेको आरोप छ।