बुटवल नगरपालिका–१३ बुद्धनगर बस्ने २८ बर्षीय पुरन राना खुकुरी प्रहारबाट गम्भीर घाइते भएका छन् । उनलाई मंगलबार घरमा सुतिरहेको अवस्थामा मणिग्राम–२ आनन्दवन घर भई हाल सोही स्थानमा लेबर काम गरी बस्ने २८ बर्षीय शंकर कुर्बर थारुले घर बाहिर बोलाई टाउको र बाँया हातमा खुकुरी प्रहार गर्दा गम्भीर घाइते भएकोले लुम्बिनी अंचल अस्पताल बुटवलबाट थप उपचारको लागि भैरहवा मेडिकल कलेज लगिएको छ । फरार थारुको खोजतलास गर्नुको साथै यस सम्बन्धमा प्रहरीले आवश्यक अनुसन्धान गरिरहेको छ ।