आफ्ना श्रीमती र छोरीको हत्या गरेको आरोपमा प्रहरीले कैलालीको चौमालाबाट एक जनालाई आइतबार पक्राउ गरेको छ । चौमाला-८ बस्ने २३ वर्षीय विरेन्द्र चौधरीलाई श्रीमती सुनिता र छोरी मार्थाको हत्या गरेको आरोपमा प्रहरीले पक्राउ गरेको जनाइएको छ । वीरेन्द्रकी श्रीमती सुनिता र छोरी मार्थाको क्रमश: गत १५ र १८ गते शिवगंगा सामुदायिक वनमा शव फेला परेको थियो । उनले घोगी टिप्ने बहानामा सुनिता र मार्थालाई सो सामुदायिक वनमा लागेको र सोहि दिनदेखि दुवै जना बेपत्ता भएको थिए । कैलाली प्रहरी प्रमुख एसपी राजेन्द्र विष्टले घटना भएकै दिनदेखि फरार रहेका विरेन्द्रको खोजतलास गर्ने क्रममा आइतबार चौमाला-४, झिल्काट उनलाई पक्राउ गरिएको बताए ।