Police have arrested 30 cadres of C.K. Raut in three different demonstrations demanding a separate and independent Tarai. The demonstrators were arrested from Foreign Goods Chowk, Bank Chowk and Hospital chowk. Rautahat District President of Raut-led 'Swatantra Madhes Gathabandhan', Ashok Singh is among those arrested. तराई अलग देशको माग गर्दै आएका सिके राउतका ३० कार्यकर्ता प्रहरीले गौरबाट पक्राउ गरेको छ। सीमावर्ती क्षेत्रबाट गौरतर्फ प्रवेश गरी प्रदर्शन गर्ने क्रममा क्रममा उनीहरुलाई पक्राउ गरेको प्रहरीले जनाएको छ। गौरको फरन गुड्स चोक, बैंक चोक, हस्पिटल चोक तीन ठाउँमा प्रदर्शन प्रयास गरेपछि प्रहरीले तीन पटकमा ३० कार्यकर्ता पक्राउ गरेको हो। पक्राउ पर्नेमा राउत नेतृत्वको ‘स्वतन्त्र मधेस गठबन्धन’को रौतहट जिल्ला अध्यक्ष अशोक सिंह समेत छन्। ‘दशगजा क्षेत्रबाट छिरेर सदरमुकाममा प्रदर्शन गर्न खोजेपछि सुरक्षाकर्मीले रोकेको हो। ३० जना पक्राउ परेका छन्’, रौतहटका निमित्त प्रहरी प्रमुख डिएसपी नवीनकृष्ण भण्डारीले भने। रंगभेद दिवसको अवसरमा झापादेखि कञ्चनपुरसम्म कार्यक्रम रहेको गठबन्धनले बाँडेको पर्चामा उल्लेख छ।