दाजुभाइबीच कुटपिट हुँदा घाइते भएका पथरा बुधरा–९ पिपरिया टोल बस्ने ७० वर्षीय जयलाल साहको बिहिबार मृत्यु भएको छ । जयलाल र उनका भाई ६० वर्षीय छबीलाल साहबीच मादक पदार्थ सेवन गरी मंसिर १० गते कुटपिट हुँदा दुबैजना घाइते भएपछि गौर अस्पताल लगि उपचार पश्चात मंसिर ११ गते घर फर्की आएकोमा जयलालको छातीमा समास्या भएपछि पुनः उपचारको लागि बाराको कलैयातर्फ लैजाँदै गर्दा बाटोमै मृत्यु भएको हो । कुटपिट गर्ने छबीलाल साह फरार रहेकोले खोजी गर्नुको साथै यस सम्बन्धमा प्रहरीले आवश्यक अनुसन्धान गरिरहेको छ ।