१६ वर्षीया बालिकालाई बलात्कार गरेको आरोपमा प्रहरीले माघ ३ गते पाताभार-७ का २७ वर्षीय सञ्जय चौधरीलाई प्रहरीले गिरफ्तार गरेको छ । पीडित बालिकालाई आरोपितले माघ २ गते बलात्कार गरेको आरोपमा पीडित पक्षले सोही दिन इलाका प्रहरी कार्यालय पाताभारमा उजुरी दिएको थियो । उजुरीका आधारमा अनुसन्धानका लागि आरोपितलाई गिरफ्तार गरिएको इलाका प्रहरी कार्यालय पाताभारका सई गणेश खड्काले जानकारी दिए । पीडित बालिकाको स्वास्थ्य परीक्षण माघ २ गते जिल्ला अस्पतालमा गरिएको पनि उनले बताए ।