श्रीमानले टाउकोमा हानेर गम्भीर घाइते भएकी भलायडाँडाकी एक महिलाको ६६ दिनपछि ज्यान गएको छ । भलायडाँडा –३ का २५ वर्षका जीवन मोतेले श्रीमती सरिता मोतेलाई टाउकोमा हानेका थिए । ६६ दिनअघि जीवनले टाउकोमा हानेपछि गम्भीर घाइते भएकी सरिताको शुक्रबार राति ज्यान गएको हो । गएको पुष १ गते बिहान गाँजा खाएर आएका जीवनले सरितालाई दाउराले हानेका थिए । उपचार सम्भाव नभएपछि बुहारीलाई घर ल्याइएको र शुक्रबार राति ज्यान गएको जीवनका बुबा होमबहादुर मोतेले बताए ।