हेल्थ असिष्टेन्ट संघ पर्साले मंगलवार जिल्ला जनस्वास्थ्य कार्यालयपर्सामा धर्ना दिएको छ। स्वास्थ्य चौकीको इन्चार्ज सम्बन्धि विवाद समाधान माग गर्दै गत पौष १७ गते देखि आन्दोलना उत्रिएको संघले आज जनस्वास्थ्य कार्यालय पर्सामा धर्नामा दिएको हो। संघका पर्सा संयोजक धर्मेन्द्रराय यादवको नेतृत्वमा गएको टोलीले धर्ना दिएका हुन्। स्वास्थ्य चौकिको इन्चार्जमा हेल्थ असिष्टेन्टलाई राख्न माग गर्दै आएको उनीहरुले जिल्लामै बसेर हाजिर गर्ने जनाएका छन्। धर्नामा हेल्थ असिष्टेन्ट नेपालका केन्द्रिय सदस्य अनिल कुमार यादव, हेल्थ असिष्टेन्ट पर्साका उपाध्यक्ष सुनिल कुर्मी, सचिव राजु साह, सदस्यहरु शिवनारायण मण्डल, संजय यादव, विनु श्रेष्ठ, संजिता ढकाल, सर्मिला मल्ल लगायतका हेल्थ असिष्टेन्टहरुको उपस्थिति रहेको थियो। संघका संयोजक धर्मेन्द्र राययादवले आफुहरुको माग सम्बोधन नभए आगामी पुष २० गते देखि जिल्ला जनस्वास्थ्य कार्यालयमा अनिश्चितकालिन तालाबन्दी गर्ने चेतावनी दिनुभयो यसअघि संघले जिल्ला जनस्वास्थ्य र जिल्ला प्रशासनमा ज्ञापन पत्र बुझाएको थियो। उता जिल्ला जनस्वास्थ्य र जिल्ला प्रशासनमा ज्ञापन पत्र बुझाएको थियो। उता जिल्ला जनस्वास्थ्य कार्यालय पर्साको प्रमुख आन्दोलनको कारण कार्यालय आउन छाडेको संघका केन्द्रिय सदस्य अनिल कुमार यादवले बताउनुभयो।