१९ वर्षीया महिलालाई बलात्कार प्रयास गरेको आरोपमा छिपागढ-२ का ३० वर्षीय राजेश सिंहविरुद्ध जिल्ला प्रहरी कार्यालय रुपन्देहीमा माघ १३ गते मुद्दा दर्ता भएको छ । पीडित महिलाले आरोपित विरुद्ध ०७३ माघ १३ गते जिल्ला प्रहरी कार्यालय रुपन्देहीमा बलात्कार प्रयास मुद्दा दर्ता गराएकी छिन् । पीडित महिलाको माघ १३ गते नै भिम अस्पताल भैरहवामा स्वास्थ्य परीक्षण गरिएको र आरोपित फरार रहेकाले उनको खोजी कार्य भइरहेको जिल्ला प्रहरी कार्यालय रुपन्देहीका सई डेलम्बर घिमिरेले बताए ।