जनकपुरको एक पोखरीमा नवजात शिशुको शव फेला परेको छ । जनकपुर उप महानगरपालिकको वडा नं १० स्थित अरगज्जा पोखरीमा फालिएको अवस्थामा ती मृत शिशुको शव भेटिएको हो । शनिबार करिव ३ बजे पोखरीमा तैरिरहेको अवस्थामा नवजात शिशुको शव स्थानीयबासीले देखेपछि जानकी प्रहरी चौकीमा जानकारी गराएको थियो । जानकारी पश्चयात प्रहरीले सो शिशुको शवलाई पानीबाट बाहिर निकाली जनकपुर अञ्चल अस्पतालमा परिक्षणको लागि पठाइएको जिल्ला प्रहरी कार्यालय धनुषाले जनाएको छ । यता जिल्ला प्रहरी कार्यालय धनुषाले घटनाको विस्तृत अनुसन्धान भइरहेको बताउँदै शिशु फाल्ने व्यक्ति खोजतलास तीब्रताका साथ भइरहेको प्रहरी नायब उपरिक्षक तथा प्रवक्ता मनोज यादवले जानकारी दिए । जनकपुर अञ्चल अस्पताल वरिपरि रहेका निजी क्लिनीक तथा अस्पतालमा अवैध रुपमा गर्भपतन गराउने क्रम बढेसँगै नवजात शिशुहरु रंगभुमि मैदान र विभिन्न पोखरीमा पटक पटक फ् याल्ने गरेको पाइएको छ ।