एमाले सांसद एवं संसदको महिला, बालबालिका, ज्येष्ठ नागरिक तथा समाजकल्याण समितिकी सभापति रञ्जुकुमारी झाको गाडीमा ढुंगामुढा गरिएको छ । एमालेको मेची–महाकाली राष्ट्रिय अभियानका लागि राजविराज आएकी झाको गाडीमा शुक्रबार साँझ मधेसी मोर्चाका कार्यकर्ताले ढुंगामुढा गरेका हुन् । मेची-महाकाली राष्ट्रिय अभियान अन्तर्गत फागुन २३ गते राजविराजमा एमालेको जनसभा हुँदैछ । पार्टी अध्यक्ष केपी शर्मा ओलीले जनसभालाई सम्बोधन गर्ने कार्यक्रम छ । एमालेको कार्यक्रम बिथोल्न मोर्चाले राजविराजमा विरोध प्रदर्शन गरिरहेको छ । उनीहरुले शुक्रबार नै राजविराजको हटियामा एमाले सप्तरीका सदस्य एवं पूर्वजिविस सदस्य प्रतापनारायण चौधरीलाई कालोमोसो दलेका थिए ।