सोनवार्षाको कन्हौली मुरहा गाउँमा सुर्ती नदिएपछि एकजना छिमेकीले अर्का छिमेकीलाई गोली हानी घाइते बनाएको छ । गोली लागि घाइते व्यक्तिलाई सोनवर्षाको पीएचसीमा भर्ती गरि उपचार भइरहेको छ । सोनवर्षाबाट खटिएको प्रहरीको टोलीलाई घटना स्थलबाट गोलीको खोखा र घाइते व्यक्तिको ज्याकेट बरामद गरेको छ । घाइते मुरहा ग्राम निवासी सत्येन्द मण्डलले आफ्नो बयानमा प्रहरीलाई भनेका छन् । ‘छिमेकी तलवर महतोले मसँग सुर्ती दिन माग गरेको थियो । सुर्ती दिन नमानेपछि हामीबीच विवाद शुरु भयो । रिसको आवेगमा महतोले ममाथि गोली चलायो’ । संयोगले गोली देब्रे हातमा लागि बाहिर गएकोले घाइते मण्डललाई गोलीले ठूलो घाउ बनाउन सकेन । घाइते मण्डलको सोनवर्षामा उपचार भइरहेको प्रहरीले जनाएको छ ।