सप्तरीको कल्याणपुर गाविस ४ का सहमुल मियाँलाई स्थानीय मिस्टर अन्सारीले कुटपिट गरेको आरोप लगाइएको छ । नेपाल पत्रकार महासंघ सप्तरीमा सोमबार आयोजित पत्रकार सम्मेलनमा सो आरोप लगाएको हो । मियाँको बारीमा रहेका रुख काटेको विषयलाई लिएर उत्पन्न विवादले सोही ठाउँका मिस्टर अन्सारीले मियाँलाई कुटपिट गर्दा मियाँको ओठमा गम्भिर चोट लागेको छ । कुटपिटबाट घाइते मियाँले ईलाका प्रहरी कार्यालय कल्याणपुरमा जाहेरी दिँदा प्रहरीले आलटाल गरेपछि पीडितले सोमबार जिल्ला प्रहरी कार्यालय सप्तरीमा उजुरी दर्ता गराएका हुन । पीडितले आफुमाथि कुटपिट गर्नेमाथि आवश्यक कानुनी कार्वाही हुनुपर्ने माग गरेका छन् ।