आन्दोलित सुखिपुरवासी जिल्ला विकास समिति कार्यालय सिरहामा मंगलबार अनिश्चितकालका लागि तालाबन्दी गरेका छन्, भने फागुन २८ गते देखी नै (सरकारको निर्णय अनुसार सुखीपुर गाउँपालिका) मा तालाबन्दी गरेर विरोधमा उत्रेका छन । गत २०७२ साल आश्विन १ गते नेपाल सरकारले गरेको निर्णय अनुसार सुखीपुर, मोहनपुर कमलपुर, कविलासी, विद्यानगर, लरकन्हा, बल्ही र सिर्लोवा पछवाडी गाविसहरुलाई समायोजनगरी सुखीपुर नगरपालिका बनाएको थियो । तर ६ दिन अघि मन्त्रीपरिषदको निर्णय अनुसार नगरपालिकाबाट सुखिपुरलाई गाउँपालिकामा परिवर्तन गरेको हुदा नगरवासीहरु आक्रोशित हुदै तालाबन्दी, चक्काजाम लगायतका विरोध कार्यक्रमहरु गर्न थालेका छन् ।