न्वाली ७ विटकमस्थित भूमिराज दोगाडा प्राथमिक विद्यालयमा व्यवस्थापन समिति चयनमा स्थानीय दुई समूहबीचको विवादमा कुटाकुट हुँदा ३ जना घाइते छन् । सोमबार अभिभावक भेला चलिरहेका बेला आपसमा भएको विवादले उग्ररुप लिँदा कुटाकुट भएको हो । कुटपिटमा स्थानीय बहादुरसिंह ऐरी, शेरसिंह ऐरी र विद्यालयका कार्यालय सहयोगी प्रेमसिंह ऐरी घाइते भएका छन् । बहादुर र शेरसिंहको टाउकोमा चोट लागेको छ । कार्यालय सहयोगी ऐरीले सबै अभिभावकले विद्यालयबारे बोल्न पाउनुपर्ने माग गरेपछि अर्को समूहले हातपात सुरु गरेको स्थानीयले बताए । कुटपिटमा संलग्न आरोपमा ८ जनालाई प्रहरीले नियन्त्रणमा लिएको छ । सोमबार साँझ झगडाको खबर आएपछि खोचलेक चौकीबाट प्रहरी पठाएर संलग्नलाई जिल्ला ल्याएको प्रहरीले जनायो ।