होटेलमा युवतीलाई राखेर अवैध यौन धन्दा चलाएको भन्दै मकवानपुर प्रहरीले हेटौडाको २ वटा होटलका संचालकलाई पक्राउ गरी आवश्यक कारबाही एवम् अनुसन्धान प्रक्रिया अघि बढाएको छ । युवती तथा महिलालाई होटेलमा राखेर जबरजस्ती यौन कार्यमा लाग्न बाध्य बनाएको भन्दै प्रहरीले हेटौडा - १० बसपार्कमा रहेको होटेल एण्ड लज तथा सामरीमा रहेको सामरी रिभर रेष्टुरेन्ट एण्ड लजका संचालकलाई प्रहरीले पक्राउ गरेको हो । यौन कार्यमा संलग्न २ जना महिला र संचालकलाई पक्राउ गरिएको जिल्ला प्रहरी कार्यालय मकवानपुर प्रवक्ता प्रहरी नायब उपरीक्षक बामदेब गौतमले जानकारी दिए । मंगलबार धादिङ होटेल एण्ड लजबाट १ जना १८ वर्षीय युवतीलाई जबर्जस्ति यौन कार्य गर्न बाध्य बनाईएको अवस्थाबाट प्रहरीले महिलालाई उद्धार गरी होटलका संचालकलाई नियन्त्रणमा लिएको उनले बताए । यस्तै बुधबार साविकको मकवानपुरगढी -९ सामरीमा रहेको सामरी रिभर रेष्टुरेन्ट एण्ड लजबाट २२ वर्षीय महिलालाई जबर्जस्ती यौन कार्य गराउन बाध्य बनाईएको अवस्थामा प्रहरीले उद्धार गरि लजका संचालक गौतमले बताए ।