तनहुँको देवघाट गाउँपलिका वडा नम्बर-५, देवघाटस्थित प्रहरी जवान घनश्याम बस्नेतको घरमा उनकी २४ वर्षीय श्रीमती सुष्मा बस्नेत आइतबार दिउँसो सालको पासो लगाएर झुन्डिएको अवस्थामा मृत फेला परेपछि मृतकका माइतीले मृत्यु शंकास्पद भन्दै हत्याको आरोप लगएका छन् । सलको गाँठो राम्रोसंग नबाँधिएको, नाकबाट रगत बगेर छाती भिजेको, रगतको छिटा नजिकैको बिस्तारमा परेको, ओँठ सुन्निएर निलो भएको र मुख सुन्निएको अवस्था देखेपछी शंकास्पद ठहर्‍याएका हुन् । माइतीका तर्फबाट मृतकका बाबु श्याम बहादुर क्षेत्रीले बुधबार मृतकका श्रीमान घनश्याम, ससुरा चन्द्र बहादुर बस्नेत, सासु कलावती बस्नेत र आमाजु तर पन्त विरुद्ध बुधबार जिल्ला प्रहरी कार्यालय चितवनमा हत्या आरोपमा किटानी जाहेरी दिएका छन् । उनको जाहेरी पछी प्रहरीले घनश्याम,चन्द्र बहादुर र ताराका श्रीमान नवीन पन्तलाई पक्राउ गरी हिरासतमा राखेको छ । घटना स्थलको मुचुल्कापछि सोमबार भरतपुर ल्याइएको शव शल्य परीक्षण का लागि भरतपुर अस्पतालमा राखिएको छ ।