साढे दुई वर्षीय बालिका जबरजस्ती करणी उद्योग गर्ने गैरीगाउँ-६ रोल्पाका ६३ वर्षीय गंगाबहादुर बाँठामगरलाई ६ वर्ष कैद सजाय हुनेगरी फैसला भएको छ । ती अबोध बालिकाकी आमाले विसं २०७३ मंगसिर १३ गते सासुको जिम्मामा छोरीलाई घरमा सुताएर घाँस काट्न गएकी थिइन | सासु घरको काममा व्यस्त भएका बेला बाँठामगरले बालिकाको हातमा बिस्कुट दिई ललाइफकाइ आफ्नो कोठामा लागेको जाहेरीमा उल्लेख छ |यसरी कसैलाई जानकारी नदिई सुटुक्क लगिएकी बालिकाको शरीर र योनीमा तेलको प्रयोग गरी जबरजस्ती करणी गर्न खोजेपछि बालिका निकै रोई कराई गरिन् |यसरि बालिका निकै जोडले रोएको पिडितकी आफन्तले सुनेपछि नग्न अवस्थामा रहेका बाँठामगरको हातबाट बालिकालाई खोसेर लागेको प्रत्यक्षदर्शीको जाहेरीमा उल्लेख छ | बालिका को शरीरमा घाउचोट समेत लागेको थियो |