कैलालीको लम्कीचुहा नगरपालिका ६ गुलरास्थित नेपाली कंग्रेसको सम्पर्क कार्यालयमा तोडफोड र आगजनी भएको छ । स्थानीय डबल विष्टको घरमा रहेको कार्यालयमा गएराती तोडफोड र आगजनी भएको हाम्रा सहकर्मीले जनाएका छन् । करिब ४ जनाको समुहले तोडफोड र आगजनी सहित घरमालिक विष्टमाथि पनि कुटपिट गरेको हो । आगजनी र तोडफोड गर्ने समूहको खोजी भइरहेको इलाका प्रहरी कार्यालय लम्कीका प्रहरी निरीक्षक नैनसिंह साउदले बताउनुभयो ।