अज्ञात समूहले धोविघाटस्थित असम्पसन् चर्च परिसरमा आगजनी गरेको छ । मंगलबार बिहान ३ बजेको समयमा क्याथोलिक सम्प्रदायको सो चर्चमा आगजनी गरिँदा चर्च परिसरमा रहेको दुई ओटा मोटरसाइकल र एउटा चारपांग्रे सवारी साधन जलेर पूर्णरुपमा नष्ट भएको सो चर्चले जारी गरेको विज्ञप्तिमा उल्लेख छ । यस्तै आगलागीबाठट परिसरमा रहेको पुरोहित बस्ने भवन र चर्चको पश्चिम प्रवेशद्वारमा समेत क्षति पुगेको बताइएको छ । चर्चले आगजनीप्रति दुःख प्रकट गर्दै निश्पक्ष छानबिनको माग सरकारसँग माग गरेको छ ।