RSS सोमबार मध्यरातमा कारमा आगजनी गरेको आरोपमा प्रहरीले एक महिलालाई अनुसन्धानको लागि नियन्त्रणमा लिएको छ । बर्दिया गुलरिया ४ टपराका विनोद पाण्डेले घरमा राखेको बा १६ च ३२४४ नम्बरको उक्त कार राति करिब १२ बजे आगजनी भएको प्रहरीले जनाएको छ । आगजनीबाट कारको अधिकांश भाग क्षति भएको छ । आगजनीको घटनालगतै प्रहरी घटनास्थल पुगेको थियो । आगजनी गरेको आशंकामा प्रहरीले सोही ठाउँका पार्वती गोडियालाई नियन्त्रणमा लिई सोधपुछ गरिरहेको प्रहरी उपरीक्षक भरतबहादुर बोहोराले जनाए । घटनास्थल सीमावर्ती भारतीय जंगल नजिक पर्दछ ।