पार्टीको विधानबाट हिन्दु धर्म र संवैधानिक राजसंस्था शब्द हटाउने निर्वाचन आयोगको निर्णय बिरुद्ध राष्ट्रिय प्रजातन्त्र पार्टी (राप्रप्रा )ले मंगलबार राजविराजमा प्रदर्शन गरेको छ । केन्द्रीय सदस्य रेणु साह, जिल्ला अध्यक्ष उम्मेद्श्वर साह लगायतका नेता कार्यकर्ताले राजविराजका विभिन्न क्षेत्रको परिक्रमा गर्दै आयोगको निर्णय त्रुटिपूर्ण भएकाले त्यसलाई सच्याउन माग गरे । निर्वाचन आयोगको निर्णय खारेज गर, हिन्दु राष्ट्र कायम गर लगायतका नारा सहित पार्टी स्थानीय धर्मशालाबाट निस्केको जुलुसले नगरका विभिन्न भागको परिक्रमा गरेको थियो ।