नेपाली कांग्रेसका नेता रमेश महतको काठमाडौं महाराजगञ्ज स्थित पानी उद्योगमा अज्ञात समुहले आगजनी गरेको छ । पानी फ्याक्ट्रिमा पेट्रोल छर्केर आगजनी गरिएको महानगरीय प्रहरी वृत महाराजगञ्जका डिएसपी गोविन्द पुरीले जानकारी दिए । सोमबार विहान करिब सवा ५ बजे अज्ञात समुहले आगजनी गर्दा बा ६ च ११७२ नम्बरको कारमा आंशिक क्षति पुगेको छ । महाराजगञ्जको स्पेशल चोकमा रहेको शिवपुरी ड्रिङकिङ्ग वाटर उद्योगमा पार्किङ गरिराखेको एक मोटरसाईकल पनि जलेको प्रहरीले जनाएको छ । महत नेपाली कांग्रेस नुवाकोटका नेता हुन् ।