शुक्रबार प्रहरीले जिल्ला प्रहरी कार्यालयमा कथित माथिल्लो जातिकी बाटु शाही र उनका दुई छोरा चक्रबहादुर, भरतविरुद्ध हदैसम्म कारबाहीको माग गर्दै जातीय भेदभाव तथा छुवाछुत (कसुर र सजाय) ऐन २०६८ बमोजिम उजुरी दर्ता गरिएको छ । नौ बर्षको छोरामाथि सामान छोएकै निहुँमा निर्घात कुटपिट गरेपछि बराहताल गाउपालिका बस्ने आमा जयसराले प्रहरीमा उजुरी गरेकी हुन् । जयसराका अनुसार बुधबार छोरा भिमबहादुर घरमै थिए । उसलाई छिमेकी बाटु शाहीका छोरा चक्रबहादुरले सामान ल्याउन भान्सामा पठाएछ । ऊ भित्र पसेपछि आमा बाटुले गालि गरिछिन् । आमाकै पछाडि लागेर अर्को छोरा भरतले सालको लौरीले निलडाम हुने गरी पिटेछ । सांझ घर फर्कदा रोईरहेको देखे शरीर भरि निलडाम रहेछ । भोलि पल्ट शरीर सुनिन थालेपछि क्षेत्रीय अस्पताल कालागाउँ ल्याए । गाउँमा गरिब , दलित भएकै कारण हामीले दिनैपिच्छे अपमानित हुनुपरेको पिडा पोखिन् ।