Dipen Neupane
मोरङ । जेठ ४ गते
एक १४ वर्षीया बालिकालाई बलात्कार गरी फरार रहेका पथरी गाविस-१ निवासी सेनाका प्यूठ ४१ वर्षीय चेतन श्रेष्ठलाई प्रहरीले पाँच वर्षपछि ०७० जेठ ३ गते गिरफ्तार गरेको छ ।
उनले ०६४ पुस २२ गते मादक पदार्थ सेवन गरी ती बालिकालाई घरैमा पुगेर बलात्कार गरी फरार भएको इलाका प्रहरी कार्यालय पथरीले जनाएको छ । सो कार्यालयका असई गुणराज रिजालका अनुसार तत्कालीन समयमा आरोपित सुनसरी जिल्ला इटहरी नगरपालिकास्थित सेनाको पूर्वी पृतनामा कार्यरत थिए । आरोपित घर आएको जानकारी पाउनासाथ प्रहरीले उनलाई गिरफ्तार गरेको थियो ।
दीपेन नेउपाने