धनगढी उपमहानगरपालिका-६ जाईका स्थानीयबासी वडा कार्यालय पाएक पर्ने ठाउँमा सार्नुपर्ने भन्दै आन्दोलित भएका छन् । उनीहरुले आफ्नो गाउँ नजिक वडा कार्यालय हुनुपर्ने माग राख्दै आइतबार धनगढी उपमहानगरपालिकामा तालाबन्दी गरेर बिरोध जनाएका छन् । गाउँबाट एक स्थानीयको समुहले उपमहानगरपालिकाको कार्यालयमा तालाबन्दी गरेका थिए । हाल ढुंगे बजारमा रहेको वडा कार्यालयलाई बसुदेबी माध्यमिक बिद्यालय नजिक सार्ने उनीहरुले माग गरेका छन् । स्थानीयबासी र धनगढी उपमहानगरपालिका बीच आज बह्येको बार्ता बिना निस्कर्ष सकिएको छ । वडा कार्यालयको लागि सम्झौता भइसकेकाले सर्न नसकिने धनगढी उपमहानगरपालिकाले जिकिर गरेपछि बार्ता सफल हुन नसकेको हो ।