१५ वर्षीया बालिकालाई बलात्कार गरेको आरोपमा प्रहरीले लालिगुराँस नपा-२ का ४४ वर्षीय सुर्यबहादुर सार्कीलाई वैशाख ३१ गते गिरफ्तार गरेको छ । जिल्ला प्रहरी कार्यालय तेह्रथुमका इन्स्पेक्टर बासुदेव यादवका अनुसार आरोपितले पीडित बालिकालाई पटकपटक बलात्कार र यौन दुर्व्यवहार गरेको आरोप लगाउँदै पीडित पक्षले दिएको उजुरीका आधारमा गिरफ्तार गरिएको हो । पीडित पक्षले वैशाख ३१ गते आरोपितमाथि कारबाहीको माग गर्दै उजुरी दिएको थियो । उजुरी पश्चात पीडित बालिकाको स्वास्थ्य परीक्षण जिल्ला अस्पतालमा जेठ १ गते गरिएको र घटनाको अनुसन्धान भइरहेको प्रहरीले जनायो ।