खार्पुनाथ गाउँपालिका-५ को मान्धारा मावि मतदान केन्द्रका करिब ४ सय मतदाताले मतदान गर्न नपाएको भन्दै जेठ २ गते उक्त मतदान केन्द्रका मतदाताले मुख्य निर्वाचन कार्यालय र जिल्ला प्रशासन कार्यालयमा धर्नामा बसेका छन् । सो मतदान केन्द्रमा ०६४, ७० र ०७४ मा भएका निर्वाचनमा नेपाली काङ्ग्रेसका कार्यकर्ताले अन्य पार्टीका कार्यकर्तालाई मतदान नगर्न धम्की दिएपछि स्थानीय तहको पहिलो निर्वाचनका क्रममा उक्त निर्वाचन केन्द्रमा झडप भएको स्वतन्त्र पक्षका वडाध्यक्षका उम्मेदवार प्रकाशबहादुर शाहीले आरोप लगाए । स्थानीय मतदाताले सो मतदान केन्द्रमा पुनः मतदान गर्न पाउनुपर्ने माग गरेका छन् । जिल्लामा नेपाली काङ्ग्रेस बाहेक अन्य सम्पूर्ण दल र स्वतन्त्र पक्षका उम्मेदवारतथा मतदाताले माग पुरा गर्ने मुख्य निर्वाचन अधिकृत खिलनाथ रेग्मी र प्रमुख जिल्ला अधिकारी धनप्रसाद शर्मा पौडेललाई ध्यानाकर्षण गराएका छन् । मतदान केन्द्रमा पुनः मतदान गराएमा मुख्य निर्वाचन अधिकृत र प्रमुख जिल्ला अधिकारीको समेत उपस्थित रहे मात्र मतदान गर्ने नत्र स्वतन्त्र पक्षका मतदातालाई नेपाली काङ्ग्रेसका कार्यकर्ताले मार्न सक्ने भन्दै उम्मेदवार प्रकाशबहादुर शाहीले असुरक्षा भएको गुनासो गरे । उक्त मतदान केन्द्रका मतदाताहरूले सो कार्यालयमा ४ सय जना मतदाताले परिचय पत्र बुझाएका छन् । प्रमुख जिल्ला अधिकारी पौडेलले भने-‘आफूले सुरक्षाकर्मी खटाएको हो ।’ मुख्य निर्वाचन अधिकृतका अनुसार यस विषयमा छलफल गर्ने बताए ।