संयुक्त लोकतान्त्रिक मधेसी मोर्चाका कार्यकर्ता र नेत्र विक्रम चन्द विप्लव नेतृत्वको कार्यकर्ताबीच आज दिउसो विरगंजको घण्टाघर चोकमा झडप भएको छ। निर्वाचनको विरोध गर्दै नाराजुलुस सहित प्रदर्शन उत्रिएका नेकपाका कार्यकर्ता र मधेसी मोर्चाका कार्यकर्ताहरुबीच घण्टाघर चोकमा भेट भएपछि मोर्चाका कार्यकर्ताहरुले नेकपा कार्यकर्ताको झण्डा खोसेरा जलाउन खोजेपछि झडप भएको हो। आक्रोशित मोर्चाका कार्यकर्ताहरुले नेकपाको कार्यक्रमको जानकारी नहुँदा सो घटना भएको बताएका छन्।