सप्तरीको पकरी गाविसस्थित नर बहादुर थापा जनता मावि पकरी गोठ सोनरा विद्यालयका प्रअले भष्टचार गरेको भन्दै अभिभावकहरुले लगाएको तालाबन्दीका कारण पठनपाठन प्रभावित भएको छ । एक साताअघि अभिभावकहरुले विद्यालयमा तालाबन्दी गरेको थियो । विद्यालयका प्रअ प्रदीप कुमार चौधरीले विद्यालयमा रहेका शैक्षिक अवैधानिक क्रियाकलापका साथै आर्थिक हिनामिना तथा विद्यालयमै आतंक फैलाएको भन्दै प्रअको कोठा र लेखा शाखामा गत बैशाख १४ गतेमा स्थानीय अभिभावकहरुले अनिश्चितकालिन तालाबन्दी गरेको थियो । विद्यालयमा गरिएको अनिश्चितकालिन तालाबन्दीका कारण एक हजारभन्दा बढी बालबालिकाहरुको पठनपाठन पुर्ण रुपमा प्रभावित बनेको स्थानीय अभिभावक बिनोद कुमार यादवको कथन छ ।