चर्पी बनाउन भन्दा सप्तरीको जमुनी मधेपुराकी एक महिलालाई मंगलबार आफ्नै श्रीमानले हात काटिदिएका छन् । जिल्लाको साविक जमुनी मधेपुरा गाविस १ का भिखारी शर्माले ४० वर्षीया श्रीमती अरुलिया देवी शर्माको दाया हात हसियाँले काटिदिएका छन् । अरुलियाले घरमा चर्पी बनाउन पटक-पटक आफ्ना श्रीमानसमाझ आग्रह गर्दा रिसको झोकमा उनले श्रीमतीको हात काट्नुका साथै निर्घात कुटपिट समेत गरेको पीडितका आफन्तजनहरुले बताएका छन् । श्रीमानको कुटाइबाट घाइते अरुलियाको हाल राजविराजस्थित एक क्लिनिकमा प्राथमिक उपचार भइरहेको तथा कुटपिट गर्ने श्रीमान फरार रहेको स्थानीइहरुले बताएका छन् ।