लेटांंङ नगरपालिका-५ स्थित खेर्वामा चिर्पट प्रहारबाट आइतबार एक महिला घाइते भएकी छिन् । चिर्पट प्रहारबाट सोही नगरपालिका बस्ने २५ बर्षिया सुनिता सुबेदी (नाम परिवर्तित ) घाइते भएको इलाका प्रहरी कार्यालय लेटांङले जनाएको छ । सुबेदीलाई लेनदेनको बिषयमा बादबिबाद हुँदा सोही ठाउं बस्ने ६४ बर्सिय कृष्णबहादुर बोहोराले चिर्पट प्रहार गरेका थिए । घाइते सुबेदीको बिराटनगरस्थित न्यूरो अस्पतालमा उपचार भैरहेको छ । चिर्पट प्रहार गर्ने बोहोरालाई नियन्त्रणमा लिएको इलाका प्रहरी कार्यालय लेटांङले जनाएको छ ।