प्रहरी र राजपा कार्यकर्ताबीच राजविराजमा झडप भएको छ । प्रमुख निर्वाचन आयुक्त आयोधिप्रसाद यादवको सहभागितामा राजविराजमा गर्न लागिएको अन्तर्किया कार्यक्रम विथोल्न खोज्ने राजपा कार्यकर्ता र प्रहरीबीच आइतबार दिउँसो सामान्य झडप भएको हो । प्रमुख जिल्ला अधिकारीको निवासमा दिउँसो २ बजेका लागि तोकिएको अन्तर्क्रिया अहिलेसम्म सुरु हुन सकेको छैन । कार्यक्रम हुन नदिने भन्दै राजपा कार्यकर्ताले नाराबाजी जारी राखेका छन् । सम्भावित झडपलाई मध्यनजर गर्दै स्थानीय प्रशासनले ठूलो मात्रामा सुरक्षाकर्मी परिचालन गरेको छ ।