गृहकार्य नगरेको भन्दै कन्चनपुरको लालझाडीमा शिक्षकले निर्घात रुपमा बिद्यार्थी कुट्दा ६ बिद्यार्थी घाइते भएका छन् । लालझाडीको पथरिया स्थित स्वतन्त्र माध्यमिक बिध्यालयमा गणित र बिज्ञान बिषयका शिक्षक नवराज अवस्थीले गृहकार्य नगरेको भन्दै कक्ष्या १० मा अध्यनरत बिध्यार्थीलाई कुटपिट गरेको इलाका प्रहरी कार्यालय लालझाडीका सई कटक कुँवरले बताए । शिक्षकको कुटाईबाट बिध्यार्थी अस्मिता राना, संगीता राना , सुनिता राना, मनिषा चौधरी , प्रेम सागर राना, र किरण राना घाइते भएका छन् । कुटपिट बाट गम्भीर घाइते संगीता, प्रेमसागर , अस्मिता र सुनिताको लालझाडीमा स्वास्थ्य चौकीमा उपचार हुन नसकेपछि धनगढी रेफर गरिएको छ । बिध्यार्थीलाई कुटपिट गर्ने शिक्षकलाई नियन्त्रणमा लिईएको सई कुँवरले बताए ।