पारिवारिक झगडाको बिषयलाई गायक समिर बिकलाई इलाका प्रहरी कार्यालय पथरीका प्रहरीले निर्घात कुटपिट गर्नुका साथै छलफलको क्रममा सार्वजनिक स्थलमा मारिदिने धम्कि दिएका छन् । इलाका प्रहरी कार्यालय पथरीमा म्यादी प्रहरीको तालिम लिईरहेकी समिरकी पत्नीसँग भएको सामान्य विवादकै बिषयमा सनिबार इलाका प्रहरी कार्यालयमा गाएक समिरलाई पक्रेर थानामा ल्याई निर्घात कुटपिट गरेका छन् । कुटपिटबाट गाएक बिकको पैताला , हातको पन्जा, र टाउको लगायतमा निलडाम बसेको छ । छलफलको क्रममा प्रहरी हवल्दार चित्र तामांगले गाएक बिकलाई ठाडो औंला देखाउदै मारिदिने धम्कि दिएको बिकले आरोप लगाए । यता, गायक बिकलाई हिरासतभित्र कुटपिट र धम्काइएको भन्ने आरोपको इलाका प्रहरी कार्यालय पथरीका निरीक्षक राजन कार्कीले अस्वीकार गरे ।