राष्ट्रिय जनता पार्टी नेपालका नेता कार्यकर्ताहरुले विरगंजमा रहेको उच्च अदालत जनकपुरको अस्थायी इजलास अगाडी नाराबाजी गर्दै प्रदर्शन गरेका छन् । आइतबार राजपा नेपालको युवा संगठन बाराका अद्यक्ष पन्नालाल पटेललाई प्रहरीले बिना कारण पक्राउ गरी थुनामा राखेको भन्दै आफ्ना कार्यकर्ता रिहाइको माग उच्च अदालत अगाडी प्रदर्शन गरेको हो । अदालत अगाडी रहेको सडक अवरुद्ध गरेर प्रदर्शन गरेपछि प्रहरीले हस्तछेप गरेर बाटो खुलाएको थियो ।