निर्वाचन परिणामलाई लिएर नेकपा एमालेका अध्यक्ष केपी ओलीको गृहनगर तनावपूर्ण बन्न पुगेको छ। राष्ट्रिय प्रजातान्त्रिक पार्टी (राप्रपा) का कार्यकर्ताले आफ्नो उम्मेदबारलाई योजनाबद्ध रुपमा हराउन निर्वाचन अधिकारीहरु परिचालित भएको भन्दै नारा जुलुस गरेपछि अहिले स्थिति तनावपूर्ण बनेको छ। दमक वडा १ को विजेताको रुपमा निर्वाचन कार्यालयले पहिले राप्रपाका उम्मेदबार तारा अधिकारी घोषित गरेका थिए। तर, पछि निर्वाचन अधिकारीले एमालेका वडा अध्यक्षका उम्मेदवार हरि न्यौपाने र अधिकारीको मत बराबरी भएको घोषणा गरेपछि स्थिति तनावग्रस्त बनेको छ।