पोखरा लेखनाथ महानगरपालिका-३३ भारतपोखरीमा रहेको मोर्निङ्ग ग्लोरी स्कुलमा एक विद्यार्थी निर्घात कुटिएका छन्। कक्षा १ मा अध्ययनरत सुवास लामिछानेलाई गृहकार्य नगरेको निहुँमा प्रिन्सिपल शिवदत्त तिवारीले नीलडाम हुनेगरी कुटेका हुन् । लामिछाने ढाड र शरीरमा नीलडाम छ । विद्यार्थी निर्घात कुतिएपछि अभिभावकले विद्यालयले गल्ती गरेका बताएका थिए। वडा नम्बर ३३ का अध्यक्ष शिवप्रसाद आचार्यले विद्यालय प्रशासन, प्रिन्सिपल, अभिभावकबीच छलफल भएको जानकारी दिए। प्रिन्सिपल तिवारीले जेठ २८ गते लामिछानेलाई गृहकार्य नगरेको भन्दै कुटपिट गरेको स्वीकार गरे। उनले गल्ती भएको भन्दै क्षमा मागेपछि घटना साम्य भएको हो । वडाअध्यक्ष आचार्यले प्रिन्सिपलले गल्ती स्वीकार गरेको बताए।