१२ वर्षीया बालिकालाई बलात्कार गरेको आरोप लागेका मकवानपुरको राक्सिरांग गाउँपालिका-५ का ३२ वर्षिया कृष्णबहादुर लामाबिरुद्धको मुद्दा अनुसन्धानको क्रममा रहेको अवस्थामा पिडित परिवारलाई मुद्दा फिर्ता लिन दबाब परिरहेको बताइएको छ । बाख्रा गोठाले जाँदा बालिकामाथि गत असार १२ गते बलात्कार भएको पिडित पक्षको भनाइ छ । १५ गते जिल्ला अदालतमा लामाबिरुद्ध मुद्दा दर्ता भएकोमा ४ दिन म्याद थप गरी अनुसन्धान भइरहेको इलाका प्रहरी कार्यालय मनहरीका प्रहरी निरीक्षक चित्रबहादुर घलेले जानकारी दिए । उनले परिवारलाई दबाब आएको बिषयमा केहि थाहा नभएको प्रतिक्रिया दिए ।