आफ्नै पार्टीका उम्मेदवारलाइ हराउन भूमीका खेलेको भन्दै झापा कमल गाउँपालिका-१ का रामबहादुर भण्डारीमाथि कुटपिट भएको छ। शनिबार राति साराङपाडा बजारदेखि घरतर्फ साइकलमा जाँदै गर्दा मोटरसाइकलमा आएका युवाको एक समूहले उहाँलाइ कुटपिट गरि घाइते बनाएको हो। एमालेका तर्फाबाट वोडाध्यक्षका उम्मेदवार प्रेम पोखरेल लाइ हराउन सक्रिय भएको भन्दै उहाँमाथि कुटपिट भएको हो। कुटपिट बाट घाइते भण्डारीको दमकस्थित लाइफलाईन अस्पतालमा उपचार भैरहेको छ। उहाको टाउको तथा छातीमा चोट लागेको छ। बेलुका साइकलमा घर तिर जादै थिए, मोटरसाइकलमा आएका युवाले काम छ भनेर साइकल रोक्न लगाए। त्यसपछि प्रेम पोखरेललाइ हराउन लागिपरेको हैन भन्दै अन्धाधुन्द कुटपिट गरे, उँहाले भन्नुभयो। मोटरसाइकलमा आएका युवाले मास्क लगाएकोले आफुले को हुन् भनेर चिन्न नसकेको उहाँको भनाइ छ।