बन्गाड कुपिन्डे नगरपालिका १ सल्लीबजारमा खुकुरी प्रहारबाट मानसिं बस्नेत गम्भीर घाइते भएका छन् । बाटोमा हिँडिरहेको बेला तुलाधर नेपालीले उनीमाथि खुकुरीले आक्रमण गरेको प्रहरीले जनाएको छ । टाउको र खुट्टामा गहिरो चोट लागेका बस्नेतलाई उपचारका लागि नेपालगन्ज लगिएको इलाका प्रहरी सल्लीबजारले जनाएको छ । प्रहरीले घटनाका आरोपीलाई नियन्त्रणमा लिएको जनायो । दुईबीच व्यक्तिगत विवादका कारण घटना भएको हुन सक्ने प्रहरीले जनाएको छ ।