प्रहरीले जबरजस्ती करणी गरेको अभियोगमा एकजनालाई पक्रेको छ । दोर्दी गाउँपालिका २ का ४६ बर्षीय सन्तबहादुर परियारलाई प्रहरीले पक्रेको हो । प्रहरीका अनुसार एक ५ वर्षीया बालिकालाई ललाई फकाई आफ्नै घर लगेर जवर्जस्ती करणी गरेको प्रहरीले बताएको छ । प्रहरीका अनुसार प्रारम्भिक अनुसन्धानमा उनले कसुर स्वीकार गरेका छन् । उनले मादक पदार्थ (रक्सी) सेवान गरेको नसामा उक्त क्रियाकलाप भएको स्वीकारेका छन् । घटना शुक्रबार अपरान्ह साँढे ४ बजे घटेको प्रहरीले जनाएको छ । डीएसपी समीरचन्द्र खरेलले घटना घटेको आधा घण्टामै प्रहरीले परियारलाई पक्राउ गरेको बताए । ‘मेडिकल रिपोर्ट पोजेटिभ छ । उनले अभियोग स्वीकारेका छन्’ डीएसपी खरेलले भने, ‘जबरजस्ती करणी ऐन अन्तर्गत मुद्धा दर्ता हुन्छ ।’ अभियोग ठहरिए १० देखि १५ वर्षसम्म जेल सजाय हुने कानुनी व्यवस्था रहेको प्रहरीले जनाएको छ । प्रहरीले अभियुक्तलाई रातिमात्रै प्रहरी कार्यालयमा ल्याइ पुर्‍याएको बताएको छ ।