बलात्कार गरेको आरोपमा सोलुखुम्बुको सोताङका एक जनालाई प्रहरीले प्रक्राउ गरेको छ । सोताङ गाउँपालिका–५ का भुप नेपालीलाई सोताङकै एक बोल्न नसक्ने महिलालाई करणी गरेको उजुरीको आधारमा पक्राउ गरिएको प्रहरीले जनाएको छ । बिहीबार दिउँसो नेपालीले २२ वर्षीय युवतीलाई करणी गरेको भन्दै पीडित महिलाको आफन्तले सोताङ प्रहरी चौकीमा उजुरी गरेका थिए । ५१ वर्षीय आरोपित नेपालीलाई शुक्रबार प्रहरीले घरैबाट पक्राउ गरेको जिल्ला प्रहरी कार्यालय सोलुखुम्बुले जनाएको छ । अहिले आरोपित नेपालीलाई सदरमुकाम ल्याई आवश्यक अनुसन्धान भइरहेको प्रहरीले जनाएको छ ।