एक किशोरीलाई बलात्कार गरेको अभियोगमा मोरंग उर्लाबारी-४ आइतबारेका ५३ वर्षीय राम बहादुर राईलाई प्रहरीले पक्राउ गरेको छ ।पक्राउ परेका राईविरुद्ध प्रहरीले सोमबार जबरजस्ती करनीको महल अन्तर्गत मुद्धा चलाएको छ । अभियुक्त राईले विभिन्न प्रलोभन देखाउँदै ती किशोरीसंग शारीरिक सम्पर्क गर्दै आएको प्रहरीको दावी छ । ती किशोरी अकस्मात विरामी परेपछि स्वास्थ्य परिक्षण गरिएको इलाका प्रहरी कार्यालय उर्लाबारीका प्रहरी निरीक्षक चन्द्र बहादुर थापाले जानकारी दिए ।